ᐅᒪᔪᒃ

ᖁᑦᑎᒃᑐᖅ ᐅᑭᐅᖅᑕᕐᑑᑉ ᐆᒪᔪᖏᑦ ᖃᓄᐃᖏᑦᑎᐊᕐᐳᑦ ᐊᔾᔨᒌᖕᓇᑎᓪᓗ, ᐊᒥᓱᑦ ᐆᒪᔪᑦ ᑎᑭᐅᖅᑲᖅᐸᓪᓕᐊᕙᒃᑎᓪᓗᒋᑦ ᐊᕐᕌᒎᑉ ᐃᓚᖓᓂ, ᐊᓯᖏᑎᑑᕐᓇᓂ ᐅᖓᓯᒃᑐᖅ ᐅᑭᐅᖅᑕᕐᑐᒦᑦᑐᓂᓐ. ᐊᒥᓱᒐᓚᐃᑦ ᓂᕐᔪᑎᑦ ᑕᒫᓃᖃᑦᑕᕐᐳᑦ ᐊᕐᕌᒍᓕᒫᒥ, ᓇᑦᑏᑦ, ᐅᒡᔪᐃᑦ, ᓇᓄᐃᑦ, ᐅᒥᖕᒪᑦ, ᐊᒪᕈᐃᑦ, ᐅᑲᓖᑦ, ᐊᕕᓐᖓᐃᑦ, ᑎᕆᐊᑦ ᖃᐅᓪᓗᖅᑖᑦ, ᐊᓪᓚᓐᖑᐊᓖᑦ ᐊᐃᕖᓪᓗ.

ᐃᖏᕐᕋᕙᒃᑐᑦ ᑕᕆᐅᕐᒥᐅᑕᐃᑦ ᑎᒥᐊᕗᑦ ᐃᓚᓕᐅᔾᔨᓯᒪᕗᖅ, ᑲᖑᐃᑦ, ᓂᕐᓖᑦ, ᖃᖁᓪᓗᐃᑦ, ᖃᖅᓴᐅᑦ, ᒥᑏᑦ ᐊᒻᒪ ᒥᑏᑦ ᕿᖓᓖᑦ. ᐊᓯᖏᓪᓗ ᑕᕆᐅᕐᒥᐅᑦ ᑎᖕᒥᐊᑦ ᐃᓚᖃᕐᐳᑦ ᓇᐃᔭᐃᑦ, ᖃᖁᓪᓗᐃᑦ, ᓯᒡᔭᕆᐊᑦ, ᐱᑦᓯᐅᓛᑦ, ᐊᒃᐸᐃᑦ, ᐃᒥᖅᑯᑕᐃᓚᑦ, ᐊᒻᒪ ᓯᒡᒍᑲᓪᓚᓖᑦ ᑎᖕᒥᐊᑦ.

ᑕᐅᓴᖏᓐᓃᑦᑐᑦ ᒪᓂᖃᓕᖅᐸᒃᑐᑦ ᑎᖕᒥᑦ ᓲᕐᓗ ᐊᒃᐸᐃᑦ, ᐱᑦᓯᐅᓛᑦ, ᓯᒡᒍᑲᓪᓚᓖᑦ, ᑎᖕᒥᐊᑦ, ᐊᒃᐸᓕᐊᕐᔪᐃᑦ ᒥᑏᓪᓗ ᐊᐅᓱᐃᑦᑐᒧᐊᖃᑦᑕᕐᐳᑦ ᒪᓐᓂᓕᐅᕆᐊᖅᑐᕐᓗᑎᒃ ᐊᕐᕌᒍᑕᒫᑦ. ᑕᒪᒃᑯᐊ ᖃᖓᑕᕙᒃᑐᑦ ᐆᒪᔪᐃᑦ ᐅᑭᐅᖅᓰᕙᒃᐳᑦ ᑕᒫᓂ ᓲᕐᓗ ᐊᒃᐸᓕᐊᕐᔪᐃᑦ ᒥᑏᓪᓗ. ᐅᒃᐱᔾᔪᐊᑦ ᐅᑭᐅᖅᓯᐅᖃᑦᑕᕆᕗᑦ ᖁᑦᑎᒃᑐᖅ ᐅᑭᐅᖅᑕᕐᑐᒥ, ᐃᓚᖏᓪᓗ ᐊᕿᒡᒌᑦ. ᐊᖅᑭᒌᑦ ᓴᖅᑭᑉᐸᓪᓕᐊᓕᖃᑦᑕᕐᐳᑦ ᒫᔨᐅᑉ ᓄᓐᖑᐸᓗᐊᕐᓂ, ᐃᓐᓈᕈᓂᓐᖔᕐᖢᑎᒃ. ᐊᐅᔭᑕᒫᑦ ᐅᖓᓯᒃᑐᒥᓐᖔᖃᑦᑕᕐᑐᑦ ᐃᓱᓐᖓᐃᑦ ᓄᓇᕐᔪᐊᑉ ᐊᑖᓃᑦᑐᖓᓂᓐᖔᓕᖃᑦᑕᕐᐳᑦ ᖃᓂᒋᔭᑦᑕ ᕿᑭᖅᑕᖏᓐᓄᑦ.

ᐃᐳᕉᑉ ᐱᒋᐊᓕᓵᕐᓂᐸᓗᖓᓂ, ᐊᒃᐸᐃᑦ ᐱᖓᓐᓇᖓᓄᓐᖓᐅᕙᓪᓕᐊᖃᑦᑕᕐᐳᑦ, ᑕᓪᓗᕈᑎᐅᑉ ᐊᒻᒪ ᐊᐅᓱᐃᑦᑑᑉ ᕿᑭᖅᑖᓗᖓᑕ ᓂᒋᐊᓂ ᐊᑯᓐᓂᖓᒍᑦ ᖁᓚᐅᖃᑦᑕᕐᐳᑦ, ᑰᐳᒡ ᕿᑭᖅᑕᒥᓐᖔᕐᓗᑎᒃ ᐊᐅᓱᐃᑦᑐᖅ ᕿᑭᖅᑕᖓᑕ ᐱᖓᓐᓇᖓᓂᑦ, ᐊᖅᑯᓵᓕᕆᓪᓗᑎᒃ Cardigan Straits ᐊᐅᓱᐃᑦᑑᑉ ᐱᖓᓐᓇᖓᑕ ᑎᕆᖅᑯᖓᓃᑦᑐᖅ ᐃᒪᖓᓄᑦ ᑕᓪᓗᕈᑎᐅᑉ ᐅᐊᖕᓇᖅᐸᓯᐊᓂ. ᐃᐳᕉᑉ ᓄᓐᖑᐸᓗᐊᓂ, ᖁᐸᓄᐊᑦ ᐊᒻᒪ ᓇᐃᔭᐃᓪᓗ ᑎᑭᓕᖃᑦᑕᕐᐳᑦ. ᐅᑯᐊ ᐃᓐᓈᕉᓂᕐᓴᓃᑉᐸᒃᑐᑦ ᕿᒥᕐᕈᔭᐅᔪᓐᓇᕐᐳᑦ ᓇᐃᔭᐃᑦ ᐊᐅᓱᐃᑦᑐᒥ 8 ᑭᓛᒥᑕᓄᑦ ᐅᖓᓯᖕᓂᖃᑐᐃᓐᓇᕐᐸᒃᑐᑦ. ᑲᖑᐃᑦ ᑕᒪᐅᖓ ᑎᑭᓕᖃᑦᑕᕐᐳᑦ ᒪᐃᒥ, ᐊᒻᒪ ᒥᑏᑦ ᑲᖏᖅᖢᓃᓕᖃᑦᑕᕐᐳᑦ ᔫᓂᐅᑉ ᓄᓐᖑᐸᓗᐊᓂ ᒪᓐᓂᓕᐅᕆᐊᖅᑐᕐᓗᑎᒃ.

ᓇᓐᓄᒐᓱᐃᓐᓇᖅᐸᓚᐅᕐᓯᒪᔫᒐᓗᐊᑦ ᐊᕐᕌᒍᓕᒫᒧᑦ, ᑕᒪᒃᑯᐊ ᓂᕐᔪᑎᕐᔪᐊᑦ ᐊᑐᐃᓐᓇᐅᓕᑐᐊᕌᖓᒥᒃ. ᐱᔭᐅᔪᓐᓇᕐᓂᖏᓐᓄᑦ ᑭᒡᓕᖃᓕᕐᑎᑕᐅᓚᐅᕐᓯᒪᑎᓪᓗᒋᑦ, ᐃᓄᐃᑦ ᐃᖕᒥᓂᒃ ᓇᓄᒐᓱᑐᐃᓐᓇᖃᑦᑕᓕᕐᐳᑦ ᐃᐳᕈᒥ ᐊᒻᒪ ᒪᐃ ᐱᒋᐊᓕᓵᕐᓂᖓᓂᑦ. ᐅᓪᓗᒥ ᓇᓄᖅ ᐱᔭᐅᔪᓐᓇᑐᐃᓐᓇᓕᕐᐳᖅ ᐱᔭᐅᔭᕆᐊᖃᕐᓂᑐᐊᖏᑎᒍᑦ ᐊᖑᓇᓱᖕᓇᐅᑎᓪᓗᒍ.

ᐅᒥᖕᓚᒍᓐᓇᓂᕐᒧᑦ ᑭᒡᓕᖃᕐᑎᑕᐅᓂᖓ 86-ᓂᒃ ᓂᕐᔪᑎᑦᑐᓐᓇᖃᑦᑕᕐᐳᑦ ᐊᕐᕌᒍᑕᒫᑦ, ᑭᓯᐊᓕ ᐊᕐᕌᒎᑉ ᐃᓚᖓᓂ ᑕᓪᓕᒪᓂᑦ-ᖁᓕᓄᑦ ᐱᔭᐅᔪᓐᓇᖃᑦᑕᑐᐃᓐᓇᕐᐳᑦ. ᐱᓐᓇᕆᔭᐅᕙᖕᒥᔪᖅ ᐅᒥᖕᒪᐅᑉ ᒥᖅᑰᓂᖓ, ᑕᐃᔭᐅᔪᖅ ‘ᑭᕕᐅᖅ’, ᐃᓪᓚᐃᖅᑕᐅᖃᑦᑕᕐᐳᖅ, ᓴᓗᒻᒪᖅᓴᕐᑕᐅᓪᓗᓂ, ᓄᕕᒃᓵᒃᓴᓕᐊᑦᑎᐊᕙᐅᓂᖅᐹᖑᒻᒪᑕ ᓄᓇᕐᔪᐊᒥ. ᓇᒥᑐᐃᓐᓇᖅ, ᐱᓗᐊᖅᑐᒥ ᖁᑦᑎᒃᑐᖅ ᐅᑭᐅᖅᑕᖅᑐᖓᓂ, ‘ᑭᕕᐅᖅ’ ᐅᖅᑰᓕᓂᖅᐹᖑᓪᓗᓂ ᐃᓗᐱᓕᐊᕆᔭᐅᔪᓐᓇᕐᐳᖅ ᐳᐊᓗᖕᓄᑦ! ᐅᒥᖕᒪᐅᑉ ᓂᕿᖓ ᐊᒡᒍᐊᓕᕿᓵᓕᐅᒐᒃᓴᑦᑎᐊᕙᐅᓄᖅ! ᑕᑯᒥᓇᖅᓴᐅᑎᓂᒃ ᓴᓇᓐᖑᐊᕐᐸᒃᑐᑦ ᓇᒡᔪᖏᑦ ᐱᐅᒋᔭᐅᓂᖅᐹᖑᖃᑕᐅᕗᒃ ᐃᖃᓗᖕᓂ.

ᕿᓚᓗᒐᐃᑦ ᑕᓪᓗᕈᑎᐅᑉ ᐊᒻᒪ ᐊᐅᓱᐃᑦᑑᑉ ᕿᑭᖅᑖᓗᖓᑕ ᓂᒋᐊᓂ ᐊᑯᓐᓂᖓᓄᐊᖃᑦᑕᕐᐳᑦ ᐅᐱᕐᖓᒃᓵᒃᑯᑦ ᐊᐅᔭᒃᑯᓪᓗ ᐆᒐᖅᑐᖃᑦᑕᕐᐳᑦ ᓇᑖᕐᓇᖅᑐᖃᑦᑕᕐᒥᔪᑦ ᓯᓈᑉ ᖃᓂᒋᔮᓂ. ᐊᐅᔭᐅᒃᑲᓐᓂᓕᕐᑎᓪᓗᒍ ᖃᖏᖅᓕᓃᓐᓂᕐᓴᐅᕙᒃᑐᑦ ᐆᒐᖅᑐᕐᓂᐅᓴᐅᓕᕐᑎᓪᓗᒋᑦ. ᐳᐃᔨᐅᑉ ᐊᒥᖓ ᑕᐃᔭᐅᕗᖅ ‘ᒪᒃᑖᖅ.’ ᐱᔭᒪᔭᐅᒻᒪᕆᖃᑦᑕᕐᐳᖅ ᒪᒪᖅᑑᓂᖓᓂᒃ ᐊᒃᓯᐅᑎ C-ᒥᓪᓗ ᐱᑕᖃᑦᑎᐊᕐᐳᖅ. ᓄᑖᖑᑎᓪᓗᒍ ᓂᕿᑦᑕᓐᓇᖓ ᓵᑦᑐᐃᔭᒐᒃᓴᑦᑎᐊᕙᐅᖃᑦᑕᕐᐳᖅ, ᓂᕿᑦᑕᓐᓇᖓᑦᑕᐅᖅ ᓂᒃᑯᓕᐊᕆᔭᐅᕙᒻᒥᔪᖅ.

ᒪᕐᕈᐃᓕᖓᔪᑦ ᕿᓚᓗᒐᓂᒃ ᐊᐅᓱᐃᑦᑐᓄᐊᖃᑦᑕᕐᐳᑦ ᐊᕐᕌᒍᑕᒫᑦ. ᐃᓚᖏᑦ ᐅᑮᕙᒃᐳᑦ ᓯᓈᖓᓂ ᐊᒻᒪᓗ, ᐊᐅᔭᒃᑯᑦ ᖁᕐᓗᖅᑑᒥᓐᖔᖃᑦᑕᕐᒥᔪᑦ ᐊᓛᔅᑲᐅᑉ ᐃᒪᖓᓂ.

ᐊᐃᕖᑦ ᐱᖓᓐᓇᖓᓄᓐᖓᐅᕙᒃᑎᓪᓗᒋᑦ ᑕᓪᓗᕈᑎᐅᑉ ᐊᒻᒪ ᐊᐅᓱᐃᑦᑑᑉ ᕿᑭᖅᑖᓗᖓᑕ ᓂᒋᐊᓂ ᐊᑯᓐᓂᖓᒎᕐᖢᑎᒃ ᔪᓚᐃᒥ ᐅᑎᓕᖃᑦᑕᕐᐳᑦ ᐅᑐᐱᕆᒥ ᐊᖏᓂᖅᐹᖅ ᐅᑭᐅᖅᑕᖅᑐᒧᑦ ᐊᖏᓂᖅᐹᑦ ᐃᒪᐅᓂᕐᒦᑦᑐᒥ ᓯᑯᒧᑦ ᐊᕙᓗᔭᐅᓯᒪᔪᒥ ᐊᒥᐊᕆᑲᐅᑉ ᐅᐊᖕᓇᖓᓂ, ᐊᓱᐃᑦᑑᑉ ᕿᑭᖅᑕᖓᑕ ᐊᒻᒪᓗ ᑲᓛᖦᖠᑦ ᓄᓈᑕ ᐊᑯᓐᓂᖓᓃᑦᑐᖅ.

Visitez Grise Fiord:
bienvenue au sommet
du globe